Helga Þórðardóttir

Hérna er ein einföld og ótrúlega góð pasta uppskrift frá vinkonu minni. Tekur enga stund og er algjör snilld ef manni langar í eitthvað gott en hefur ekki mikinn tíma eða nennir ekki að dúlla sér lengi.

Jæja nú þegar nýtt ár er að hefjast þá er um að gera að huga aðeins að hollustunni og prófa eitthvað nýtt í eldhúsinu. Mig langaði í eitthvað sætt í gær og mig hefur alltaf langað til að gera svona hráköku sem maður heufr séð svo mikið á t.d Pintrest og hún var brjálæðislega einföld! 

Fyrir botninn: 

1/2 bolli möndlur settar í matvinnsluvél 
2 msk kakó (notaði frá Sollu) 
1 msk agave 
1 msk kókosolía 

Blandaði þessu svo öllu saman og setti í í form með smjörpappír. Svo tók ég frosin hindber og muldi þau aðeins og stráði yfir botninn, þetta fór svo inn í ísskáp. 

Fyrir kremið:

1/2 bolli kakó 
1/2 bolli agave 
1/4 bolli kókosolía 

Þetta var svo þeytt saman og dreift yfir botninn og svo raðaði ég hindberjunum yfir, það má auðvitað nota hvaða ber sem er mér finnst hindber bara fara svo rosalega vel með svona dökku súkkulaði. 

Mér finnst ekkert skemmtilegra en að gleyma mér á Pintrest og skoða uppskriftir og mat og þá sérstaklega myndirnar af mat! Hér eru nokkrar af  mínum matarmyndum sem ég hef eldað eða bara notið.

Þessi réttur er í miklu uppáhaldi hjá okkur vinkonunum. Hann er fáránlega einfaldur og klikkar aldrei. 

Ég er mikill aðdáandi svona múslí stanga eins og finnst mjög þægilegt að grípa eina með í millimál. Svo fann ég basic uppskrift af þeim og prófaði að búa til svona sjálf með því sem mig langaði að hafa í þessu. Ótrúlega einfalt og svo gott að þetta kláraðist á innan við viku hérna heima. Ég þrefaldaði uppskriftina sem ég set hér inn þannig það má minnka hana eða stækka eftir hve þörfin er mikil 

Hráefni:

3 bollar hafrar 
1/2 bolli hveiti eða spellt 
1/2 tsk matarsódi 
5 tsk agave sýróp
1/2 tsk vanillu dropar 
1/4 bolli hunang
1/4 bolli púðursykur 
1/2 bolli kókos olía 
1 bolli blandaðar hnetur og þurrkuð ber (má seta hvað sem er)
1/2 bolli súkkulaðidropar

Ákvað í dag að skella í nokkrar muffins þar sem ég hafði aldrei notað fjölnota formin sem ég fékk í jólagjöf. Þær voru ótrúlega góðar og hugsa ég að ég muni geyma þessa uppskrift vel og gera oftar en einu sinni. Fann þessa uppskrift á netinu og er svona rosa basic muffins uppskrift og er hægt að skipta bönunum eða súkkulaðinu út fyrir eitthvað annað :)

3 bananar
3 1/2 dl hveiti
1 1/2 dl sykur
1/2 tsk matarsódi
1 1/2 tsk lyftiduft
1/4 tsk salt
1 tsk kanill (má sleppa)
1 egg
1 dl brætt smjör
1/2 dl mjólk
1 plata suðusúkkulaði

Blandið öllum þurrefnunum saman. Stappið bananann í sér skál og blandið svo við þurrefnin ásamt egginu, smjörinu og mjólkinni. Ekki gleyma svo súkkulaðinu skerið það í bita og blandið rólega saman við deigið. Þetta bakast í uþb 15-20 mín í 180 gráðum. Ég bræddi svo smá suðusúkkulaði og helti ofaná og voru þær ógeðslega góðar, sérstaklega nýkomnar úr ofninum :)

Þessi réttur á engar rætur að rekja til London en ég kalla hann London kjúkling afþví þegar ég og Sindri vorum þar síðasta sumar þá fundum við þessa uppskrift einn daginn. Það besta var þegar búið var að kaupa einu sinni í réttinn þá var hægt að gera hann marg oft aftur og þurfti bara að kaupa kjúkling og núðlur eða hrísgrjón. Hentaði mjög vel fyrir fátæka námsmenn en líka mjög góður og gerðum við hann oft úti og líka stundum heima.

1 msk púðursykur
2 msk hunang (síróp virkar líka)
1/2 dl soya sósa
2 hvítlauksrif (niðurskorin smátt)
2 tsk engiferrót niðurskorin
2 msk tabasco sósa (minna ef maður fýlar ekki sterkt)
Salt og pipar
Paprika
Kjúklingabringur
Hrísgrjón eða núðlur

Ef þið gerið réttin með núðlum eins og mér finnst best þá er gott að tvöfalda uppskriftina á sósunni svo það sé nóg sósa á öllum núðlunum EN ekki tvöfalda skammtin af tabasco ekki nema þú viljir enda í svitabaði :)


Blandið öllu saman í skál og hrærið vel. Geymið til hliðar og skerið bringurnar í bita og stráið salti og pipari yfir. Steikið á pönnu í sirka 2 min blandið svo paprikunni við og hellið svo sósunni yfir og látið malla í 8-10 mín. Þegar kjúklingurinn er búin að malla í smá stund er gott að byrja að sjóða núðlurnar eða fer eftir hversu lengi þær eiga að vera. Þegar núðlurnar eru til og kjúklingurinn búinn að malla í góðan tíma þá er bara blanda saman og borða! Líka mjög gott að strá sesam fræjum yfir ef það er við hendina.