Helga Þórðardóttir

Þessi réttur er í miklu uppáhaldi hjá okkur vinkonunum. Hann er fáránlega einfaldur og klikkar aldrei. 

Ég er mikill aðdáandi svona múslí stanga eins og finnst mjög þægilegt að grípa eina með í millimál. Svo fann ég basic uppskrift af þeim og prófaði að búa til svona sjálf með því sem mig langaði að hafa í þessu. Ótrúlega einfalt og svo gott að þetta kláraðist á innan við viku hérna heima. Ég þrefaldaði uppskriftina sem ég set hér inn þannig það má minnka hana eða stækka eftir hve þörfin er mikil 

Hráefni:

3 bollar hafrar 
1/2 bolli hveiti eða spellt 
1/2 tsk matarsódi 
5 tsk agave sýróp
1/2 tsk vanillu dropar 
1/4 bolli hunang
1/4 bolli púðursykur 
1/2 bolli kókos olía 
1 bolli blandaðar hnetur og þurrkuð ber (má seta hvað sem er)
1/2 bolli súkkulaðidropar

Ákvað í dag að skella í nokkrar muffins þar sem ég hafði aldrei notað fjölnota formin sem ég fékk í jólagjöf. Þær voru ótrúlega góðar og hugsa ég að ég muni geyma þessa uppskrift vel og gera oftar en einu sinni. Fann þessa uppskrift á netinu og er svona rosa basic muffins uppskrift og er hægt að skipta bönunum eða súkkulaðinu út fyrir eitthvað annað :)

3 bananar
3 1/2 dl hveiti
1 1/2 dl sykur
1/2 tsk matarsódi
1 1/2 tsk lyftiduft
1/4 tsk salt
1 tsk kanill (má sleppa)
1 egg
1 dl brætt smjör
1/2 dl mjólk
1 plata suðusúkkulaði

Blandið öllum þurrefnunum saman. Stappið bananann í sér skál og blandið svo við þurrefnin ásamt egginu, smjörinu og mjólkinni. Ekki gleyma svo súkkulaðinu skerið það í bita og blandið rólega saman við deigið. Þetta bakast í uþb 15-20 mín í 180 gráðum. Ég bræddi svo smá suðusúkkulaði og helti ofaná og voru þær ógeðslega góðar, sérstaklega nýkomnar úr ofninum :)

Þessi réttur á engar rætur að rekja til London en ég kalla hann London kjúkling afþví þegar ég og Sindri vorum þar síðasta sumar þá fundum við þessa uppskrift einn daginn. Það besta var þegar búið var að kaupa einu sinni í réttinn þá var hægt að gera hann marg oft aftur og þurfti bara að kaupa kjúkling og núðlur eða hrísgrjón. Hentaði mjög vel fyrir fátæka námsmenn en líka mjög góður og gerðum við hann oft úti og líka stundum heima.

1 msk púðursykur
2 msk hunang (síróp virkar líka)
1/2 dl soya sósa
2 hvítlauksrif (niðurskorin smátt)
2 tsk engiferrót niðurskorin
2 msk tabasco sósa (minna ef maður fýlar ekki sterkt)
Salt og pipar
Paprika
Kjúklingabringur
Hrísgrjón eða núðlur

Ef þið gerið réttin með núðlum eins og mér finnst best þá er gott að tvöfalda uppskriftina á sósunni svo það sé nóg sósa á öllum núðlunum EN ekki tvöfalda skammtin af tabasco ekki nema þú viljir enda í svitabaði :)


Blandið öllu saman í skál og hrærið vel. Geymið til hliðar og skerið bringurnar í bita og stráið salti og pipari yfir. Steikið á pönnu í sirka 2 min blandið svo paprikunni við og hellið svo sósunni yfir og látið malla í 8-10 mín. Þegar kjúklingurinn er búin að malla í smá stund er gott að byrja að sjóða núðlurnar eða fer eftir hversu lengi þær eiga að vera. Þegar núðlurnar eru til og kjúklingurinn búinn að malla í góðan tíma þá er bara blanda saman og borða! Líka mjög gott að strá sesam fræjum yfir ef það er við hendina.

Ætlaði bara aðeins að skrifa um síðast liðinn mánuð og svoleiðis. Byrjaði sem sagt í skólanum á sunnudegi og allir mætti í bollur og kaffi uppúr 3. Eftir bollurnar var svo myndaður hringur og sem átti að vera "hópefli" eða ég hélt það þar til allir byrjuðu að syngja lag um hvað það væri gaman að hitta þig í lýðháskóla og allir gengu hring og tóku í hendina á hvor öðru . Rosalega danskt þar til við áttum að standa fyrir framan píanó og syngja öll saman vel valinn lög það var miklu meira danskt. Þetta yrði aldrei gert fyrsta daginn í menntaskóla á Íslandi. Allavegna svo fengum við plan um hvernig næstu vikurnar myndu verða.

Vika 1: Grænmetisætuvika/Vegan (yesss gaman fyrir kjötsjúklinginn)
Sú vika var bara svona spjall í mínum hóp og rökrætt um grænmetisætur, ég sat meira bara og kinkaði kolla og sagði ja selfolgelig. Horfðum á mynd um velferð dýra og meðhöndlun þeirra það var í einu orði ógeðslegt fyrir þá sem hafa áhuga er hægt að horfa á innskot á youtube ef maður skrifar From food to farm.. Næs. Svo næsta dag var blaðamannaþema og við heimsóttum tvær danskar grænmetisætur og þær elduðu fyrir okkur og voru aðeins of áhugasamar og töluðu svo hratt ég náði ekki alveg nógu miklu. Þær borða ss ekki kjöt, fisk, dýra afurðir ss egg, mjólk ofl. Nema í það eina skipti sem ein þeirra fékk sér mjólkursúkkulaði þegar hún var full. Get ekki sagt að ég myndi verða einhverntíman grænmetisæta því ég elska kjöt í öllum myndum, sorry, en það væri ammski hægt að taka einn svona dag af og til.

Vika 2: New Nordic Diet
Jæja þá var farið að elda. New Nordic var það þessa vikuna og er það sem mér skildist svona beint frá bónda dæmi eða þær afurðir sem þú býrð til sjálfur ekkert aukalega framleitt og allt mjög umhverfisvænt. Síðan er líka bara borðað það sem fæst hverja árstíð fyrir sig. Claus Meyer frumkvöðullinn í þessu öllu saman kom og sagði okkur allt frá þessu. Hann á besta veitingastað í heimi 2 ár í röð NOMA og er hann hérna rétt hjá þar sem ég bý. Hann er soldill Jamie Oliver Danmerkur að því leyti hvað hann hefur markaðssett sig svo vel og er með matvörur, olíur og fl í betri verslunum. Það sem ég komst að þessa vikuna, það sem ég mætti fékk ömurlega pest, hvað daninn elskar rauðrófur. Rauðrófan var notuð í alla rétti dagsins, og lá við að það væri líka í morgunmat.

Vika 3: Paleo/Steinaldarfæði
Það sem var til þegar steinaldarmaðurinn var uppi. Villidýr, ber og grænmeti eru undirstaðan. Enginn mjólk, hveiti eða mjöl, sykur eða neitt framleitt. Fórum til slátrara sem sýndi okkur hvernig tti að verka heilt dádýr myndi ekki segja að það hefði verið lystaukandi þegar við borðuðum svo kjötið að hugsa um það, en samt magnað að sjá manninn skera það í mismunandi parta. Á borðstólum voru dádýrarif, fyllt dádýralæri, dádýraháls, sniglar og svo má ekki gleyma rauðrófunum aftur í öllum formum.

Annars hafa dagarnir einkennst af skóla, chilli, veikindum, Strikið og allt sem tilheyrir því. Bara til gamans að segja frá þessum vikum og aðallega fyrir mömmu hún verður rosa ánægð. Næstu dagar eru bara heimsóknir frá uppáhaldsfólkinu mínu og skíðaferð til Svíþjóðar í næstu viku. Læt fylgja með nokkrar myndir frá dögunum. Hver veit nema ég prófi að baka eða elda eitthvað í dag :)
Ef eitthver hefur áhuga á skólanum er hægt að skoða hann betur hér: www.madakademiet.dk

Langaði bara að deila með smá sem við gerðum fyrstu vikuna í skólanum, ss heimagerðir andlitsmaskar og skrúbb og svoleiðis. Mjög gott fyrir húðina og engin aukaefni eins og frá sumum snyrtivörum.

"Dampbad"

Það sem þú þarft:
Sjóðandi heitt vatn
Skál
Kamillute

Settu vatnið og kamillute-ið í skálina og helst að klippa tepokann og hella innihaldinu í skálina, finndu þér svo viskustykki eða handklæði, hallaðu þér yfir skálina með handklæðið yfir hausnum og vertu svoleiðis í uþb 10 mín eða þangað til þér finnst þú ekki geta verið lengur. Húðin verur frísk og endurnærð og eftir þetta er gott að setja á sig skrúbb í andlitið

"Kaffiskrúbb" ☕

Það sem þú þarft:
1 msk kaffi
1 msk Púðursykur/sykur
1 msk Sólblómaolía
1-2 msk Hreint jógúrt

Blandaðu öllu saman í skál og setjið í andlitið og nuddið vel. Passa bara að nudda ekki of lengi, ein af okkur gerði það og byrjaði smá að blæða.. En þetta er líka gott að nudda á hendurnar og þær verða silkimjúkar. Svo er hægt að sleppa kaffinu og meiri olíu og sykur segir í uppskriftunum sem við fengum og ein frá Ole Henriksen og hún kallar þetta "Sugar Glow Body Scrub" og notar þetta 2 sinnum á viku. Veit reyndar ekki hver hún er en body glow hljómar rosa vel!

"Avokado og banana maski"

Það sem þú þarft:
Avocado
1/2 Banani
Mjúkt hunang

Blandað öllu saman og skelltu þessu framan í þig í uþb 15 mín og húðin verður frísk og mjúk. Sérstaklega gott fyrir þurra húð


Svo má gera ýmsar breytingar og prufa sig áfram annað sem við vorum með á borðstólum var t.d. kókosolía, gúrkur (yfir augun), haframjöl, möndlur, sítrónur og fl. Bara prófa sig áfram

Vona að þið njótið vel